“E vrava”, fjalët e autorit pasi ekzekutoi kunatën në Tiranë

Zbulohen detaje në lidhje me krimin në Shkozë të Tiranës, ku Roland Sinani vrau me armë zjarri kunatën e tij 37-vjeçare, nënë e dy fëmijëve dhe më pas veten.

43-vjeçari është zgjuar rreth orës 3 të mëngjesit, e një orë më pas ai është futur në dhomën e gjumit ku flinte kunata dhe e ka qëlluar me një plumb në gjoks duke e lënë të vdekur.

E ëma e tij ka dëgjuar të shtënën dhe është ngritur menjëherë. Në korridor ka parë të birin ku i ka thënë vetëm dy fjalë: E vrava.

Sipas dëshmisë së saj, i biri ka dalë në oborr ku ka dëgjuar të shtënën tjetër ,me të cilën ai qëlloi veten me kokë duke u vetëvrarë.

E ëma e Roland Sinanit ka zgjuar të shoqin, ky i fundit pasi ka parë tmerrin në shtëpinë e tij, ka dalë dhe armën që i biri vrau nusen e shtëpisë dhe me pas vetën e ka fshehur pas banesës.

I moshuari nuk është arrestuar nga policia pasi veprimin dyshohet se e ka kryer për shkak të sëmundjes dhe jo për të mbuluar ngjarjen. Autori jetonte në një banesë me prindërit, vëllain dhe familjen e tij. Prej 5 vitesh ishte i papunë pasi vuante nga depresioni.