Një ngjarje e rëndë raportohet të ketë ndodhur pasditen e sotme në fshatin Shushicë, të Elbasanit. Një 64-vjeçar ka humbur jetën pasi e ka zënë një kolonë banese sipër.
Policia sqaron se ngjarja ka ndodhur rreth orës 16:00. 64-vjeçari ka qënë duke punuar në shtëpinë e kunatit të tij e cila ishte e pabanuar dhe e amortizuar, në momentin që një kolonë e banesës është shembur duke e zënë poshtë.
Si pasojë ai ka humbur jetën.
“Më datë 12.03.2024, rreth orës 16:10, në fshatin Shushicë, shtetasi F. F., 64 vjeç, gjatë kohës që ka qenë duke sistemuar disa materiale ndërtimi, në banesën e pabanuar dhe të amortizuar, në pronësi të kunatit të tij (burrit të motrës), është shembur një kolonë e banesës. Si pasojë 64-vjeçari është dëmtuar dhe ka humbur jetën”,- thuhet në njoftimin e Policisë.
Discussion about this post