Një grua, e cila ishte zhdukur prej disa ditësh nga banesa e saj është gjetur e pajetë në fshatin Zavalin të Elbasanit. Bëhet me dije se e në trupin e 54-vjeçares me inicialet P.B., nuk janë konstatuar shenja dhune dhe hidhen poshtë aludime për vrasje nga një person tjetër. Gjithsesi, grupi hetimor vijon grumbullimin e materialeve për të përcaktuar shkakun e vdekjes së 54-vjeçares.
Mësohet se e moshuara është gjendur e pajetë në mes të një pylli dhe para disa ditësh nipi i saj kishte denoncuar humbjen e tezes, pasi një pasdite ishte larguar nga shtëpia dhe nuk ishte kthyer më, duke humbur kontaktet me familjarët. Policia bënë me dije se trupi i të moshuarës është dërguar në morg ku do t’i bëhet edhe autopsia për të zbardhur shkaqet e vërteta të vdekjes.
Discussion about this post