Në Paris, kaosi mbretëron suprem në klubin kampion të Francës.
Trajneri i PSG-së, Christophe Galtier gjatë konferencës për shtyp ditën e sotme, deklaroi se e shtuna do të jetë ndeshja e fundit e Lionel Messit me klubin.
Por disa orë më vonë, përmes një deklarate për “AFP” , klubi korrigjoi deklaratën e trajnerit: “Galtier nuk u shpreh shumë saktë. Duam t’ju sigurojmë se ai donte të thoshte se ndeshja kundër Clermont do të ishte e fundit për Messin dhe PSG-në këtë sezon”.
Kontrata e argjentinasit do të skadojë në fund të muajit, por shanset për një zgjatje aktualisht janë shumë të pakta.
Discussion about this post