Konsiderohet ndër qytetet më të bukura në botë për t’u vizituar dhe duket se Vjena mund të jetë gjithashtu edhe vendi më i mirë për të jetuar. Qyteti austriak është kurorëzuar sërish si qyteti më i mirë në botë në listën vjetore nga Economist Intelligence Unit (EIU).
EIU renditi 173 qytete anembanë globit duke i vlerësuar në bazë të disa faktorëve të rëndësishëm, si p.sh kujdesi shëndetësor, kultura dhe mjedisi, stabiliteti, infrastruktura dhe arsimi. Vjena kryesoi listën për të tretin vit radhazi, duke marrë rezultate perfekte në katër nga pesë kategoritë.
Pas kryeqytetit austriak, Kopenhaga e Danimarkës u listua në vendin e dytë, ndërsa Zyrihu i Zvicrës u ngjit nga vendi i gjashtë në të tretin në listë. Melburni i Australisë ra nga vendi i tretë në të katërtin, ndërsa qyteti kanadez Calgary u barazua në vendin e pestë me qytetin zviceran të Gjenevës.
Kopenhaga
Gjeneva
Vankuveri i Kanadasë dhe Sidnei i Australisë ishin në vendin e shtatë dhe Osaka e Japonisë bashkë me Auckland e Zelandës së Re, përfunduan në vendin e nëntë. Kryeqyteti i Mbretërisë së Bashkuar, Londra, u rendit si qyteti i 45-të më i përshtatshëm për të jetuar në botë.
Në Azi, Hong-Kongu pa përmirësimin më të madh të rezultateve që nga viti i kaluar, duke u ngjitur nga vendi i 61-të në të 50-tin falë një përmirësimi në rezultatet e tij të stabilitetit dhe kujdesit shëndetësor.
Qytetet e Emirateve të Bashkuara Arabe panë disa nga rritjet më të mëdha të rezultateve këtë vit, me Abu Dhabi dhe Dubai që u ngjitën lart në listë. Ndërkohë, Tel Avivi i Izraelit përjetoi një nga rëniet më të mëdha, duke rënë me 20 vende në vendin e 112-të, për shkak të luftës Izrael-Hamas.
Calgary
Melburn
Discussion about this post