Është bërë e zakonshme tashmë që të gjithë ministrat e Brendshëm të Ramës, sa herë marrin postin t’i bëjnë dhuratë vetes një makinë me taksat e qytetarëve. Të njëjtën gjë ka bërë Ministria e Brendshme, kësaj radhe e drejtuar nga ministri Bledi Çuçi.
Në datën 2 dhjetor, nëpërmjet Agjencisë së Blerjeve të Përqendruara e cila varet drejtpërdrejtë nga ministri i brendshëm, është hapur tenderi, për blerjen e një makine. Kjo procedurë mban numrin e referencës REF-13706-12-02-2021 dhe ka fondin limit 3,250,000 leke të reja pa TVSH ose rreth 33 milionë lekë të vjetra me TVSH.
Siç duket edhe Çuçi nuk do t’i ndahet shokëve të tij paraardhës. Kujtojmë këtu ish-ministrin e Brendshëm, Sandër Lleshaj, i cili gjatë kohës kur ushtronte detyrën, bleu një makinë luksoze tip BMW, e cila i kushtoi taksapaguesve 49 mijë euro.
Kjo blerje madje shkaktoi reagim në media, aq sa Lleshaj u detyrua që ta argumentonte se kjo makinë e blerë me taksat e shqiptarëve do t’i shërbejë shtetit shqiptar. Por me procedurën e fundit, duket se makina nuk i shërben shijeve të pasuesit të tij, Bledi Çuçi, i cili do t’u marrë taksave të shqiptarëve rreth 33 milionë lekë për një makinë të re.
Gijotina.com
Discussion about this post