Qelbi i madh i plehrave natyrisht ka nisur të pluskojë, por prej kohësh kishte përfshirë në rrjetë edhe një personazh që së fundmi zgjodhi të bëhej faktor mediatik nëpërmjet mekanizmit të gjobëvënies. E në këtë pikë, ikja e Blushit nga Top Channel, lidhet indirekt edhe me indiciet e marra prej tij, si personazh që mbetet në survejim të plotë investigativ për çështjen e inceneratorëve.
Jo pak herë i anatemuar në lidhje me transaksionet mbi këtë temë që tashmë ka shpërthyer, Blushi është realisht në axhendën investigative. Në mos direkt, indirekt, pasi “il pentito” i radhës natyrisht do të zbardhë të plotë edhe skemën e shpërndarjes së parasë së madhe e të frikshme publike, prej të cilave edhe vetë drejtori i dorëhequr ka futur duart.
Beni i Librave, dhe më pas Beni i atakut mediatik mbi bizneset realisht e ndien se diçka po dridhet poshtë këmbëve të tij. Përfshirja e tij në lidhje të drejtpërdrejtë me biznesin e shpikur mbi inceneratorët, natyrisht që mban vigjilent përherë edhe frikën reale të ish-deputetit për këtë fakt. Dhe lëvizjen e parë e bëri. U largua. Një lëvizje që underground ka shumë e shumë dilema, por që një rrymë argumentimi e lidh edhe me faktin e “zhdukjes” për sinjalet e marra.
Në shumicën e rasteve, ai është përfshirë direkt si përfitues në këtë aferë me miliona e miliona euro, por asnjëherë nuk ka reaguar, pasi për të, reagonte pushteti mediatik që drejtonte, e që tani nuk e drejton më. Në këtë hetim që ka prodhuar edhe arrestimet e para, vetë Blushi është aq inteligjent të kuptojë që siç janë ndarë paratë jashtë, ashtu do të ndahen përgjegjësitë edhe brenda, sepse askush nuk mund të bëjë burg për askënd, qoftë edhe një ditë më shumë.
E megjithatë duhet të presim, edhe pse shumat e përfituara kanë qenë të atilla që ish-deputeti mund të ketë mjaftueshëm për të “investuar” edhe në zbutjen e dosjes, edhe në duart e drejtësisë “së re”, por tashmë totalisht të investiguar.
Discussion about this post