Edhe Bulqiza në protestë, bllokohet “Rruga e Arbrit”

Ashtu sikurse ditën e djeshme, edhe sot në Rrugën e Arbrit, qytetarët janë ngritur në protestë kundër rritjes së çmimit të naftës.

Qytetarët janë duke protestuar në qytetin e Bulqizës, ku kanë bllokuar kalimin e makinave në të dyja kahet e rrugës.

Ata kërkojnë uljen e çmimit të naftës dhe të produkteve të tjera bazike ushqimore që siç është vënë re kanë pësuar një rritje kohët e fundit, duke u shprehur se nuk i përballojnë dot.

Ndërkohë, protesta të ngjashme janë duke u zhvilluar këtë pasdite në disa qytete të vendit njëkohësisht kundër çmimit të lartë të hidrokarbureve.