Media Day në klubin e Interit përpara finales së Ligës së Kampionëve të shtunën në mbrëmje në Stamboll, i pari që foli në konferencën për shtyp ishte trajneri Simone Inzaghi: “Ishte një rrugëtim i gjatë, i cili filloi me shortin e fazës në grupe, ku nuk ishin me shumë, fat stafi dhe ekipi folëm menjëherë për të, thamë se mund të bënim një rrugëtim të mirë. Tani jemi në finale, ishte një rrugëtim i madh që filloi vitin e kaluar. Dzeko apo Lukaku? Nuk kam vendosur kush do jetë në sulm, ashtu si nuk e kam vendosur se kush do luajë në mesfushë apo në mbrojtje: tani, si në dy muajt e fundit, kam mundësinë të zgjedh. Është gjëja më e mirë që mund të ketë një trajner.”
Përqindjet?
“Unë nuk jam shumë i zoti për t’i dhënë përqindjet, ne e dimë se do të takojmë ekipin më të fortë në botë, i cili ka fituar Premier League pesë herë në gjashtë vitet e fundit. Do të duhet të jemi të kujdesshëm për të luajtur si ekip, e dimë që do të përballemi me më të mirët, me një skuadër fantastike dhe një trajner që shënoi një epokë. Në futbollin modern ka një para dhe pas Guardiolës, do të jetë shumë e rëndësishme për ne.”
Por si futbollist e ka mposhtur dy herë…
“Më kujtohen ato ndeshje… Ka një anekdotë kurioze: në muajin e mjaltit pas dasmës sime, në Nju Jork, në hotelin ku po qëndroja ndodhej edhe Guardiola.”.
Pep dhe City duan “Tripletën”
“Ai fitoi dy tituj, por edhe ne fituam dy tituj, këtë sezon. E dimë se cilin kundërshtar do të kemi përballë, por edhe ne e merituam kualifikimin deri këtu”.
Atmosfera
“Do të gjejmë një stadium me shumë njerëz, do të ketë tifozë të Cityt dhe Interit, por edhe tifozë turq që do të ndahen mes Calhanoglu dhe Gundogan. Do të jetë një atmosferë e mrekullueshme, do të arrijmë atje të enjten. Më kanë thënë se fusha është në gjendje të shkëlqyer”./Sportmediaset
Discussion about this post