Në aeroport Von der Leyen, është pritur nga presidenti serb Aleksandar Vuçiç i cili i ka dhuruar edhe një buqetë lulesh presidentes së Komisionit Europian. Pas vizitës në Tiranë e Prishtinë, presidentja e Komisionit Europian, Ursula von der Leyen, ka udhëtuar drejt Beogradit.
Por e çuditshmja këtu është se për Vuçiç u tha se ishte sëmurë dhe kishte anuluar të gjithë takimet, por mesa duket ka gjetur forcën që të takohet me Von der Leyen.
Kujtojmë se Presidentja e Komisionit Europian, Ursula von der Leyen mbërriti të martën në mëngjes, në Tiranë, në kuadër të një turi ballkanik në prag të Samitit Bashkimi Europian-Ballkani Perëndimor, që do të zhvillohet më 6 tetor në Slloveni, vendin që ka presidencën e radhës së BE.
