Mund të përdorim pa frikë shprehjen “Futbolli ka vdekur” edhe po tregohemi tejet të sjellshëm. Një kapitull i ri në ‘telenovelën’ Negreira po trondit Spanjën dhe Barcelonën. Ndërsa zbulimet kanë treguar origjinën e pagesave të bëra ndaj ish-zv. presidentit të arbitrave, këtë të diel mësuam se edhe Federata Mbretërore e Futbollit Spanjoll (RFEF) është e “lagur” në këtë aferë.
El Confidencial në të vërtetë zbulon se institucioni i kryesuar nga Luis Rubiales e dinte që nga qershori 2022 se prokuroria po hetonte zotin José Maria Enriquez Negreira. I kontaktuar nëntë muaj më parë nga prokurori publik për një kërkesë për informacion mbi pozicionin e numrit dy të arbitrimit dhe marrëdhëniet e tij me Barçën, RFEF u përgjigj se nuk kishte “asnjë papajtueshmëri” midis punës së tij në komitetin teknik dhe këshillave të dhëna drejtuesve “Blaugrana”.
Pasi mori jo më pak se 7 milionë euro nga klubi i Barcelonës, Negreira ngjalli dyshime, aq më tepër pas largimit të tij nga komisioni i arbitrave në vitin 2018. I pyetur për arsyet e largimit, Rubiales shpjegoi në prokurori se, në postin e tij, vështirë se kishte ndonjë përgjegjësi, as ndonjë funksion të saktë dhe “detyrim të përcaktuar saktë”.
Një version i kundërshtuar nga drejtësia, e cila konsideron se Negreira kishte në veçanti mundësinë e favorizimit të Barcelonës në emërimin e gjyqtarëve. Nëse gjykata heton konfliktin e interesit në lidhje me pagesat e FC Barcelona, Federata Spanjolle sjell argumente për të kundërtën.
Më 9 qershor 2022, prokurori përgjegjës për çështjen i kishte dërguar një dokument Luis Rubialesit për të sqaruar të gjitha fushat e hijet e veprimeve të Negreiras brenda federatës.
Që në datën 23 qershor, institucioni spanjoll i futbollit kishte dërguar një përgjigje, me firmën e presidentit aktual të Komitetit arbitrave, zotit Luis Medina Cantalejo. Një përgjigje e shpejtë në përpjekje për të larguar vëmendjen nga një subjekt që tani është në qendër të vëmendjes. Epo, RFEF duket, se po mendon më shumë, për të shpëtuar imazhin e saj.
Discussion about this post