Edi Rama vazhdon me mashtrimin se do e futë Shqipërinë në Bashkimin Europian në mandatin e ardhshëm, të cilin po e përdor si kartë kryesore elektorale për fushatën elektorale për zgjedhjet e 11 Majit.
E teksa Shqipëri nuk plotëson asnjë kriter për t’u futur në BE dhe në çdo raport korrupsioni, pagash apo shërbimesh del “zi”, Rama sot ka përdorur një argument të ri.
Gjatë rubrikës “Sy më sy”, Rama tha se është vetë BE-ja shumë e interesuar që të na futë neve në Union, duke na bashkuar bashkë me Malin e Zi dhe sipas kryeministrin, ne nuk duhet ta humbim këtë moment.
Madje Rama pretendon se edhe pse BE-së është humë e interesuar që të na futë, sipas tij, kjo mund të nodhë vetëm me të dhe jo me kundërshtarët e tij politik.
Edi Rama: Ndërkohë që tani të gjithë shqiptarëve dhe atyre të Greqisë dhe të Italisë, mbarë botës kudo ku janë u them se ky është momenti ynë, është momenti i përputhjes së fateve në asnjë moment tjetër të kohës qysh se jemi çliruar nga diktatura komuniste dhe kemi hyrë në rrugët e Europës për tu bërë pjesë e pandashme e BE-së. Ky moment e ka përputhur fatin tonë europian dhe fatit të BE-së që sot është i mëshiruar në dëshirën dhe në ambicien për të zgjeruar rradhët dhe gjendemi aty, gjendemi në kohën e duhur. Vendi që ata duan të përfshijnë bashkë me Malin e Zi.
Discussion about this post