Gjatë një interviste televizive ditën e sotme, kryeministri Edi Rama tha se “Open Balkan nuk është një projekt që lindi hajde se po bëjmë diçka për t’i gjetur vetes punë, s’është një projekt që lidhet me ndonjë interes të pjesshëm personal apo shtetëror të Serbisë dhe Shqipërisë. Por kur u pyet mbi qëllimin politik më konkret të kësaj nisme, Rama iu shmang pyetjes duke thënë, se nuk diskuton për gjëra që aludohen nga ata që nuk e pranojnë dot “Open Balkan”.
Më tej Kryeministri Edi Rama, u pyet sot nënëse ka ndryshuar qëndrimi i Vuçiç pas deklaratës së tij të famshme në vitin 2015 kur tha se Kosova është shtet i pavarur. Rama tha se s’mund të bëjë komente të kësaj natyre pasi mund të ishin spekulime. Ai tha se rruga e dialogut, është e vetmja rrugë për të gjetur zgjidhje.
“S’është e lehtë, por është e vetmja rrugë, është në interes të popullit shqiptar, në Kosovë dhe Shqipëri, t’i hyjnë kësaj rruge me gatishmëri dhe vullnet për t’ia dalë dhe për të marrë atë që i takon”, tha Rama.
Sa i përket qëndrimit të SHBA që mbështet ‘Open Balkan’ duke kërkuar praninë e 6 shteteve, Rama e komentoi duke thënë se këto 6 shtete është mirë të bashkohen. “Kjo s’do të thotë që ne të mbyllim derë edhe të presim që të tjerët të vijnë, dhe të hapim derën bashkërisht, dera është e hapur, por askush s’është i detyruar”,tha Rama.
Discussion about this post