Edi Rama shkon në Parlament pas 6 muajsh mungesë

Pas një mungese të gjatë në seancat parlamentare, kryeministri Edi Rama është kujtuar për t’u rikthyer vetëm për disa minuta sot në Kuvend.

Menjëherë pas kthimit nga samiti i NATO-s në Hagë, Rama është parë i ulur në vendin e tij, në krah të zv.kryeministres Belinda Balluku me të cilën shefi i qeverisë shkëmben disa fjalë.

Në një vend normal kryeministri duhet të jetë i pranishëm çdo seancë plenare për të dhënë “llogari” për punën e qeverisë së tij por me Edi Ramën ndodh e kundërta pasi me arrogancën e tij ai nuk pyet për askënd.

Pavarësisht se paguhet me taksat e shqiptarëve, Rama refuzon të marrë pjesë në diskutimet në Kuvend pavarësisht se opozita ka insistuar disa herë që seancat mos zhvillohen pa prezencën e kryeministrit.

Hera e fundit kur kryeministri ka qenë në Parlament është data 18 nëntor 2024 kur prezantoi buxhetin për vitin 2025 dhe bonusin e pensionisteve.

Seanca e sotme, e cila vijon që prej mëngjesin të sotëm, është shoqëruar me tensione dhe debate mes palëve, ndërësa në momentin e votimit të projektligjeve në rend dite, opozita ka braktisur sallën. Dashnor Sula, është i vetmi prej deputetëve demokratë, i cili ka vazhduar të jetë prezent në seancë.