Kryeministri Edi Rama ka zhvilluar një takim privat mbrëmjen e djeshme në Dhërmi, me Alexandër Soros dhe bashkëshorten e tij, Huma Abedin.
Ata qëndrojnë të ulur në tavolinë përballë me Ramën dhe bashkëshorten Lindën.
Burime të sigurta të Syri TV bënë të ditur se çifti Soros-Abedin kanë hyrë para dy netësh në territorin shqiptar përmes një jahti luksoz që ka ndaluar në Sarandë, ndërsa më pas janë sistemuar në një nga vilat qeveritare në Dhërmi, pasuri publike e vendosur në dispozicion të miqve personalë të kryeministrit Rama.
Të shtunën në mbrëmje, ata janë parë duke darkuar në restorantin luksoz në jug të vendit. Takimi është zhvilluar pa asnjë njoftim zyrtar, pa transparencë dhe jashtë çdo protokolli shtetëror.
Vizita ngre pikëpyetje serioze mbi përdorimin privat të aseteve shtetërore nga ana e kryeministrit dhe mungesën e çdo sqarimi publik për arsyet e qëndrimit të figurave si Soros dhe Abedin në Shqipëri.
Për më tepër, mungesa e transparencës nxit spekulime mbi natyrën e këtyre takimeve politike, personale apo financiare, ndërsa Shqipëria vazhdon të përdoret nga kreu i qeverisë si një pronë personale, ku vilat qeveritare shërbejnë si hotele private për elitën ndërkombëtare të afërt me Ramën.
Kujtojmë se miliarderi i majtë po hetohet në disa fronte në SHBA për iniciimin e sulmeve politike ndaj presidentit Trump.
Discussion about this post