Edicioni i katërt i ‘Kosovo Theater Showcase’ do të mbahet në nëntor të këtij viti.
‘Kosovo Theater Showcase’ do filloj nga 2 nëntori dhe do të mbahet deri më 7 nëntor.
Në njoftimin e bërë nga Qendra Multimedia theksohet se në këtë vit do të ketë 10 shfaqje nga teatrot dhe kompanitë e ndryshme të Kosovës, si dhe 5 shfaqje nga rajoni dhe më gjerë.
Gjithashtu në njoftim tregohet se mbi 50 kritikë ndërkombëtarë të teatrit, programues të festivalit dhe gazetarë të tjerë të kulturës dhe adhurues të teatrit do të jenë në Prishtinë për një panair kulturor të drejtpërdrejtë që ngërthen bashkëpunimin, krijimtarinë dhe inovacionin.
‘Kosovo Theater Showcase 2021’ organizohet nga Qendra Multimedia, në bashkëpunim me Teatrin Kombëtar të Kosovës, Teatrin Oda në Prishtinë, Teatrin e Qytetit të Gjilanit, Teatrin e Qytetit të Ferizajt, Teatrin Dodona në Prishtinë dhe disa partnerë të tjerë vendas dhe ndërkombëtarë.
