I shumë kërkuari i policisë Edison Pula i cili u ndalua pak ditë më parë në Luksemburg ka fitur betejën ligjore në gjykatën e Lartë ku është vendosur prishja vendimit që e ka dënuar atë me 14 vite burg.
Përmes avokatit Detar Hysi, i shumë kërkuari që tashmë është i arrestuar ka kundërshtuar vendimin e Apelit që e dënoi atë në mungesë për veprat penale të vrasje me paramendim, mbajtje pa leje e armeve, shkaterrim prone, vjedhje, dhe largim nga vendi i qendrimit.
Në dispozitivin e siguruar nga gazetar i Ora News Edison Vatnikaj rezulton se me datën 4 korrik 2024 Gjykata e Lartë është shprehur me vendim për ta rikthyer edhe një herë çështjen në Apel ndaj Edison Pulës.
Ky i fundit njihet edhe si mjeshtër i arratisjeve.
2017: Edhe pse u arrestua dhe nën masa të rrepta sigurie 21-vjeçari në momentin që zbriti nga furgoni, mundi t’i shpëtojë policëve.
Ai kapërceu murin rrethues, duke u larguar në drejtim të paditur.
Arratisja ndodhi gjatë kohës së transferimit të tij nga stacioni i policisë së Fushë Krujës në të Krujës.
2022: Edison Pula, 27 vjeç është arratisur nga burgu i Trevisos në Itali mëngjesin e djeshëm.
Ai u arratis nga burgu bashkë me 2 shokët e tij, por këta të fundit u arrestuan nga Policia.
Edison Pula u dyshua bashkë me 8 persona të tjerë, si pjese e nje grupi qe me 19 shtator të 2016 i vunë eksploziv automjetit të ish-policit të burgjeve Gentian Bejtja, i cili mbeti i plagosur rëndë.
Discussion about this post