Kandidatja për kryetare e Partisë Demokratike, Edith Harxhi ka prezantuar programin e saj politik, duke u pazuar në atë që ajo e quan “Vizion i ri mbi idealet e vitit 1990”.
Në programin e hartuar, Harxhi thekson se përmes shtyllave ideologjike të paraqitura, Partia Demokratike do të grihet më e fortë, antikomuniste, euroatlantike, meritokratike. Programi është i ndarë në dy pjesë, ndryshimet e propozuara statutore dhe organizative dhe pjesa e dytë shtyllat ideologjike dhe programore të Partisë Demokratike.
Sipas Harxhit, ajo do të ringrejë Partinë Demokratike bazuar në këto shtylla: liria e individit, antikomunizmi dhe dëmshpërblimi i të persekutuarëve dhe pronarëve të ligjshëm, çështja kombëtare dhe interesi kombëtar, lufta kundër korrupsionit dhe fundi i tenderëve të përcaktuar, listat plotësisht të hapura për zgjedhjet e përgjithshme dhe këshilltarë vendorë, rinia shqiptare dhe punësimi i tyre, prodhimi bujqësor dhe industrial, si dhe mbrojtja e prodhimit shqiptar përballë importit, ngritja e turizmit, bujqësisë dhe energjetikës mbi baza të një konsensusi kombëtar dhe jo vetëm mbi nivele tarifore.
