Edith Harxhi, ka treguar dje planet e grupit të PD, duke theksuar se hapi i parë që duhet të merret është largimi i Bashës. Sipas saj, dorëheqja e menjëhershme e Bashës është një ndër hapat kryesorë që duhet të ndërmerren për nisjen e kësaj gare me në fokus partinë dhe jo liderin.
Ndër të tjera Harxhi se partia do të pësojë një rikonstruktim dhe do të bëhet si të gjitha partitë e djathta në botë, nuk duhet të ndjekë më linjën e Ramës.
“Grupi për PD-në nuk ka arsye pse të ekzistojë pas hapjes në një gare në parti, nis një proces demokratizimi. Ne po funksionojmë, edhe tani që flasim ka takime me elektoratin. Për t’u shpjeguar njerëzve ku ka arritur partia. Por hapat janë: Dorëheqje e menjëhershme e Bashës nga PD-ja, mbledhja e Këshillit Kombëtar, vendosja e një Këshilli Trilateral si këshill të urtësh në përgatitjen e zgjedhjeve të reja duke filluar nga poshtë lart. Duhet të fillojë një proces demokratik si gjithë partitë e djathta në botë. Ky proces mund të përmbyllet brenda 6 muajsh.
Basha e ka personalizuar vendimmarrjen tejskajshmërisht si Edi Rama. Ajo që mendoj është se grupi për PD-në, funksionon për të krijuar mundësinë dhe për të futur në shina PD-në, për ta futur në garë dhe të ketë disa teza të forta politike. Shpresoj që ky të jetë fundi i tranzicionit në PD, dhe të kemi një fillim të ri duke ruajtur trashëgiminë e partisë të ndërtojë diçka të re e pastër, e djathtë, e pacenuar nga asgjë tjetër”. Tha ajo.
Sipas saj, Berisha nuk do largohet përkundrazi ai do jap më shumë kontribut në reformimin e partisë. Madje, Harxhi nuk përjashtoi as mundësin e kthimit në grup për të gjithë ata deputetë që ka larguar Basha
“Askush nuk mund t’i ndalojë Berishës të jetë aktiv në partinë që është bashkëthemelues. Berisha e ka shprehur që nëse PD-ja do të kishte fituar zgjedhjet, ai do të ishte larguar. Berisha me përvojën e tij mund të japë një kontribut. Këtë e kemi kërkuar edhe ne, është i vetmi që ka influencë dhe mbledh partinë me autoritetin e tij. Askush nuk mund të bënte pa eksperiencën e tij. Ai ka nisur këtë proces dhe jo si udhëheqës i ardhshëm. Berisha do të jetë ai që do të ngjisë të gjitha elementet për ringritjen dhe kjo do të bëjë të mundur rikthimin e partisë.
Ky proces që pritet të ndodhë nuk mund të ndodhë pa bashkimin e të gjitha vlerave e kontributeve të gjithë atyre që janë larguar nga PD-ja. Ata duhet të rikthehen se eksperienca dhe kontributi i tyre është. Kam shumë sinjale që shumë të tillë që presin vetëm largimin e Bashës që ka marrë peng PD dhe më tej, të fillojë hapja dhe ngritja”, tha ajo.
E.H/gijotina.com/
