Amerika foli, veproi dhe i dha një shuplakë të rëndë një prej politikanëve më jetëgjatë në historinë e pluralizmit shqiptar, Sali Berishës. Ish presidenti dhe kryeministri i vendit u shpall “non grata” nga departamenti amerikan i shtetit që listoi arsyet e këtij vendimi të pritshërm deri diku për opinionin publik shqiptar.
“Berisha ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike, përfshirë përdorimin e pushtetit për përfitime personale dhe për të pasuruar aleatët e tij politikë dhe anëtarët e familjes së tij në kurriz të besimit të publikut shqiptar “, ishte një pjesë e reagimit të Sekretari Amerikan i Shtetit Antony Blinken. Ndër të tjera i ndalohet hyrja në SHBA familjes së z.Berisha.
Pak më vonë, deklarata e Blinken u pasua me reagimin e ish kryeministrit Berisha i cili kërkonte që SHBA të publikonte faktet nga akuzat për afera korruptive të ngritura ndaj tij. Berisha fitoi mandatin e deputetit në zgjedhjet e 25 prillit por çfarë pritet të ndodh tashmë.
A do ta lërë këtë mandat z.Berisha pas klasifikimit në listën e zezë të shtetit Amerikan? Në një kohë kur para zgjedhjeve të fundit Partia Demokratike kërkon mos kandidimin e Tom Doshit i cili gjithashtu u shpall “non grata” nga SHBA. Kreu i PD Lulzim Basha ka zgjedhur si gjithmonë të hesht përpara babait të tij politik. Është koha të veprojë, t’I qëndrojë të njëjtës linje demokratike mbi moskundërshtimin e vullnetit të demokracisë amerikane që merr përpara këdo që ka ndyer duart me korrupsion. Kreu i opozitës ka zgjedhur të heshtë dhe të kursehet me deklaratat e tij shpesh herë kontradiktore dhe me minimumin e argumenteve bindëse mbi një çështje që ka trazuar ujin jo vetëm ne selinë e PD por të mbarë politikës së mbrapshtë anti shqiptare.
