Eduard Duro, kryebashkiaku i Devollit, pas mbarimit të pushimeve është rikthyer me shumë vrull tek tenderat.
Stafi i tij, më 9 gusht 2024, ka shpallur garën për tenderin me objekt ‘Sistemimi përroi, fshati Dobranj’. Sikur tregohet në dokument projekti për sistemimin e këtij përroi ka nisur që në vitin 2018, por nuk u vu kurrë në zbatim, edhe pse vërshimet e tij vënë në rrezik banesat aty afër.
Tashmë projekti më në fund do të zbatohet dhe Duro parashikon të shpenzomë 113 milionë lekë.
Fondi shërben për pastrimin shkurreve të këtij përroi në një gjatësi 690 metra dhe sistemimin me beton aty ku ka nevojë.
“Objekti “Sistemim Përroi Fshati Dobranj”, është projektuar ne përputhje me kërkesat e përcaktuara nga Bashkia Devoll. Ajo do te këtë një gjatësi te përgjithshme prej 690 m , dhe do te përbehet nga : – Mure anësore beton arme me lartësi deri ne 2m, Shtrese prej betoni, me profil te përcaktuar ne projekt – Prita për shuarje presioni te prurjeve te ujit”, thuhet në dokument.
Dimri vjen shpejt dhe punimet duhen kryer para shirave, por për kryebashkiakun rëndësi ka të xhirohen paratë tek firma që ka paracaktuar.
10 ditë ishte lënë afati i garës dhe janë dorëzuar 7 oferta. Gjithsesi pjesëmarrja e tyre ka qenë formale, pasi Duro i kishte mbaruar punë me mikun e tij të vjetër.
Komisioni i Vlerësimit të ofertave, me siguri me urdhër të Duros, ka përjashtuar nga gara menjëherë 6 oferta. Për ofertën më të lirë ka argumentuar se ka mungesë të dokumentacionit, ndërsa për ofertat e tjera nuk është dhënë asnjë arsye përse nuk janë kualifikuar për fazën finale ku duhet të konkurronin për kontratën.
Ndërkohë duke marrë parasysh këto lloj skeme që përdoret gjerësisht nga kryebashkiakët në ngremë dyshime se fituesi ishte paracaktuar dhe ofertat e tjera as nuk janë marrë në konsideratë.
Në lojë është operatori ekonomik Artyka II SHPK, në pronësi të Qirjako Argjir dhe Edison Zaçi, që gjithashtu është administrator i firmës.
Pa asnjë konkurrentë përballë kjo firmë mori si dhuratë këtë kontratë. Për këtë Open Data Albania i ka vendosur ‘Red Flag’, që është shenja e riskut të korrupsionit.
Edison Zaçi është klient i vjetër i kryebashkiakut, pasi ka marrë vazhdimisht tenderë nga Bashkia Devoll për asfaltim rrugësh, mirëmbajtje dhe pastrim dëbore. Nëse do të shohim nga tabela, në katër vite ka përfituar 3.7 milionë euro nga Thesari i Shtetit, më së shumti nga prokurimet e Bashkisë Devoll. Epo për miqësinë e vjetër Duro i shkund xhepat e popullit!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post