Edy Reja në ankth edhe për Keidi Baren, dëmtohet me Espanyolin

Trajneri Edy Reja është shqetësuar sërish. Pas Hysajt, Kumbullës e Gjimshitit, tashmë edhe një mesfushor i kombëtares është dëmtuar.

Keidi Bare është ai që shqëtëson trajneri italian të kombëtares shqiptare në prag të ndeshjeve të Nations League në fund të muajit shtator.

Mesfushori fierak në ndeshjen e djeshme të Espanyol luajti vetëm 15 minuta. Ai u aktivizua në fillim të pjesës së dytë, por pati dhimbje dhe u zëvendësua.

Mediat spanjolle raportojnë se bëhet fjalë për një problem muskulor të Bares. Pas kontrolleve mjekësore do të zbulohet edhe shkalla e dëmtimit.