Qeveria ka filluar të përkthejë në vepra rezultat e Këshillimit Kombëtar. Madje është vendosur të shpalosen në një projektligj përgjigjet e publikut për gjyqtarët e prokurorët që nuk e kanë kaluar Vetingun. Aktualisht një gjyqtar apo prokuror që kapet në shkelje pezullohet brenda 3 ditëve nga Këshilli i Lartë Gjyqësor ose Këshilli i Lartë i Prokurorisë. Ndryshimet ligjore propozojnë pezullim të menjëhershëm. “Këto ndryshime shërbejnë për ndaluar dëmin që mund të shkaktojnë brenda sistemit gjykatësit dhe prokurorët të cilët japin vendime flagrante që janë haptazi në kundërshtim me ligjin“, tha Qeveria.
Pyetja e Këshillimit Kombëtar nga ku u nis ky projektligj ishte: “Ka njerëz që thonë se gjyqtarët dhe prokurorët, që nuk kanë kaluar ende Vetingun, duhet të pezullohen automatikisht nga sistemi i drejtësisë nëse vendimmarrjet e tyre janë haptazi në kundërshtim me ligjin. Të tjerë thonë se pezullimi dhe përjashtimi nga sistemi duhet të kryhet sipas procedurave në fuqi. Si mendoni ju?”.
74% e të anketuarve mendojnë se gjyqtarët duhet të pezullohen automatikisht nga sistemi i drejtësisë. Me sa duket ky rezultat do të pasqyrohet në një projektligj të ri./shqiptarja.com/.
Discussion about this post