Videoja e publikuar në Instastory nga ish-konkurrentja e “Për’puthen”, Efi ka tërhequr vëmendjen e të gjithë publikut të apasionuar pas emisionit të dashurisë.
Deklarata surprizë e cila ka intriguar të gjithë fansat ka ardhur kohë pas daljes nga programi e cila shprehet se kishte marrë pjesë në emision me shpresën që t’i tërhiqte vëmendjen Atdhe Xharavinës, ish-konkurrentit të sezonit të parë. “Arsyeja e vetme që unë jam futur në Për’puthen ishte Atdheu dhe prisja që ai të vinte tek unë por nuk erdhi kurrë”- shprehet bukuroshja në videon tashmë e bërë virale.
Pir të shumta kanë qenë komentet negative ndaj saj me njerëzit që shprehen të zhgënjyer dhe e akuzojnë për lojë për të tërhequr vëmendjen. Mirëpo, në video ka disa detaje që zbulojnë se kjo video është realizuar për të bërë lojë.
Siç vihet re ajo ka një mikrofon në dorë kur flet dhe mesa kuptohet në ambientin e pasëm ndodhet në studion e “E diell”. Në këtë program ka një rubrikë të quajtur “Dielli apo Hëna” ku personazhet publike bëhen pjesë e lojërave të tilla, që i kemi parë edhe më herët.
Duket se bukuroshja ka qenë një nga të ftuarat e kësaj jave në emisionin që është realizuar më parë dhe do të jepet të dielën.
Ajo u largua disa javë më parë nga “Për’puthen” pas largimit të papritur të Samiut. Asnjëri prej tyre nuk arriti që të gjente dashurinë brenda programit, duke u shprehur që nuk e shohin me veten brenda formatit. Ishte Efi ajo e cila tha që me Samiun nuk mund të ketë asgjë më shumë se shokë.
“Nuk arrita të dashuroja. Kishim vendosur të largoheshin bashkë, por si dy miq”, tha Efi. Por mesa duket dyshja vazhdon të jetë e pandarë jashtë. Ishte Samiu ai i cili postoi në Instagram një foto pak ditë më parë ku ishte i shoqëruar nga Efi në një club. Mesa duket tashmë do mbeten miq të mirë.
Discussion about this post