Në Rrogozhinë mendojnë që tani për të ardhmen dhe për të patur sukses në fushën e blertë nevojiten golat por mbi të gjitha duhet një mbrojtje e fortë.
Egnatia këtë gjë e ka parasysh e për të evituar ndonjë surprizë të keqe ka menduar të blindojë që tani repartin më të rëndësishëm, mbrojtjen.
Klubi ka arritur të sigurojë shërbimet e mbrojtësit Hysen Memolla edhe për dy sezonet e ardhshme.
I mbërritur në Rrogozhinë gjatë merkatos së janarit, 30-vjeçari i ka përmbushur pritshmëritë ndaj drejtuesit i kanë ofruar kontratë dyvjeçare, të cilën e ka pranuar.
Deri në qershor të vitit 2025, Memolla do të jetë pikë referimi e mbrojtjes së Egnatias, klub që duket se ka ndërmend të qëndrojë gjatë në Superiore.
Discussion about this post