Hollanda do të ndihmojë Tiranën për të menaxhuar burimet hidrike. Kryetari i Bashkisë Erion Veliaj po merr pjesë neë aktivetet që po zhvillohen në Amsterdam në javën ndërkombëtare të ujit. Ndërkohë që në një takim me sipërmarrësit vendas, Veliaj deklaroi se bashkia po aplikon për të krijuar një zonë të lirë ekonomike me qëllim tërheqjen e investorëve të mëdhenj.
Për të menaxhuar më mirë ujin e pijshëm dhe trajtuar me me efektivitet ujrat e ndotur ndermarrja e Ujesjelles –Kanalizimeve te Tiranes do te ndihmohet nga Autoriteti Rajonal i Ujit ne Delflandit ne Hollande dhe komapnia “Dunea”.
Kryebashkiaku Erion Veliaj dhe drejtori i Përgjithshëm i UKT, Redi Molla po ndjekin aktivitetet e organizuara për Javën Ndërkombëtare të Ujit në Amsterdam ku nënshkruan dhe memorandumin e bashkëpunimit.
“Ky ishte viti i parë pozitiv për ujësjellësin, por misioni ynë është që gjithmonë të bëjmë më të mirën dhe besoj se edhe ky memorandum është një përpjekje për të bërë më mirë. Jo vetëm për të qenë ekipi më i mirë në Shqipëri, por të jemi konkurrues me çdo ujësjellës në Europë, që do të thotë që jo vetëm do të përmirësojmë infrastrukturën, por edhe burimet njerëzore”
Kryebashkiaku Erion Veliaj, sipas zyrës së shtypit të bashkisë, e cila shpërndau dhe filmimet për mediat, zhvilloi gjithashtu takime me përfaqësues të biznesit, të cilët i ftoi të investojnë në Tiranë.
“Po aplikojmë për një zonë të lirë ekonomike pranë Kasharit, në jug të Tiranës. Është gati 80ha dhe vitin tjetër do ta kemi në funksion. Zakonisht ndodh që kompanitë e mëdha vijnë për biznes, por u duhet të flasin me shumë pronarë. Ndaj në momentin e parë që qyteti ka një zonë të lirë ekonomike, kompanitë e kanë më të lehtë të investojnë”
Ndërkaq, me ftesë të autoriteteve drejtuese të Universitetit Erasmus të Roterdamit, Veliaj prezantoi para studentëve dhe të ftuarve transformimin që ka pësuar kryeqyteti në këto dy vite dhe vizionin e tij për të ardhmen. Kreytari i bashkise vecoi projektin e sheshit “Skëndërbej”, Pazarin e Ri, Bulevardin e Ri apo edhe këndin e madh të lojërave të Liqeni Artificial.
https://youtu.be/Jftq_2KeXt0
