Eksperti i ekonomisë, Pano Soko, tregoi gjatë një interviste televizive se, aktualisht Shqipëria kë 1.28 trilion lekë borxh. Sipas Sokos, mundësia për të ulur borxhin publik mund të arrihet në 2025, por për këtë shtetit duhet të nxjerrë nga arka e shtetit 2 miliardë dollarë.
“Ne sot kemi 1.28 trilion lekë borxh. Do të marrim edhe 50 miliardë borxh të tjera me euro borxh. Kemi deficit të parashikuar vitin tjetër 51 miliardë lekë. Kështu borxhi shkon 1.4 trilion. Ne sot GDP-në e kemi 1.68 trilion. Me 4.5% rritje për çdo vit, në vitin 2025 do të jemi diku te 2 trilion. 60% e 2 trilion bëjnë 1.2 trilion. Pra, që të shkojë nga 1.4 në 1.2 duhet të paguajmë rreth 2 miliard dollarë.
A kemi ne para që qeveria të heqë për pagesën e shtesës së borxhit 2 miliardë? Kjo për të arritur parametrin e borxhin. Këtu nuk kemi vendosur se duhen 300 milionë për pensionet. As 30% për pagat e administratës për rritjen e tyre. Me çfarë do të bëhen të gjitha këto? Këto janë premtime që nuk mbahen dot”, tha ai.
Në përfundim, Soko tha se kjo do të jetë e vështirë dhe mund të arrihet në vetëm nëse shtetit tregohet transparent me shpenzimet dhe respekton rregullat për mbledhjen e të ardhurave.
