Laidon Shapo, specialist i shëndetit publik në Londër, ka deklaruar sot gjatë një interviste televizive në vendin tonë se ky dimër do të jetë më i vështirë se vitet e kaluara dhe këtë ai e bazon në variantet e reja që po qarkullojnë.
Duke marrë parasysh pasojat e rënda që sjellë koronavirusi, Shapo rekomandon rikthimin e masave, ndërsa bën apel edhe të avancohet me procesin e vaksinimit.
“Dimri parashikimi këtu është pak që ja kalon dimrit të vjetshëm. Vihet theksi tek Delta, tek gripi sezonal i cili kam vënë re që paraqitet me patologji të jashtme dhe i shtrin njerëzit të paaftë për të shkuar në punë. Të gjitha këto ndikojnë. Rekomandimi im është tek masat. Ato duhet të rikthehen, sepse edhe këtu po rikthehen. Në qendra tregtare dhe urbane ka mbipopullim. Higjiena duhet. Aty ku kemi njerëz me vaksina jo potente duhet të nisë urgjent doza e tretë. Duhet të përshpejtohet procesi i vaksinimit”, tha Shapo. Ndërsa i kërkoi qeverisë që të merret më shumë me sektorin e shëndetësisë dhe të mbështesë ata që preken nga koronavirusi.
Discussion about this post