Prokuroria e Posaçme ka zyrtarizuar hetimin për katër vepra penal ndaj ish-zv.kryeministrit Arben Ahmetaj.
Një pikë kyçe për hetimet ndaj ish-ministrit është dhe ish-sekretarja e tij, Alda Klosi e cila është nën hetim në lidhje me paratë e padeklaruara që iu gjetën në shtëpinë e saj.
Sipas ekspertit të kriminalistikës Artan Rexhepi, nëse kjo e fundit do të flasë, do zbulojë një skemë shumë të madhe korruptive. Ai ma dje e konsideroi si “Dumani numër 2” duke iu referuar të penduarit të drejtësisë, Nuredin Dumani, i cili ka zbuluar shumë vrasje të kryera nga grupet kriminale në vendin tonë.
“Nëse Alda Klosi do vendosë të flasë unë e konsideroj si Dumani numër 2. Do japë një skemë shumë të madhe. Nëse ajo bashkëpunon do jetë një skandal i madh në politikën shqiptare. Por nuk e besoj të flasë. Unë i qëndroj skemës, që kreu i shtetit e servir për të postuar vëmendjen nga skandali i tij që i ka dalë, me McGonigal.”- deklaroi ai.
Discussion about this post