Ekspertiza mjeko-ligjore ka dalë në përfundimin se 3-vjeçari që ndërroi jetë në një kopsht privat në Fierit, është mbytur me zinxhirin e xhupit duke konfirmuar versionin e edukatores Redina Binjaku, e cila u arrestua për veprën penale të shkeljes së rregullores në punë.
Në dokumentin e publikuar nga “Shqipëria live”, shkruhej se “në trupin e kufomës, nga këqyrja e jashtme, u konstatua shirit ekimotik strangulimi në qafë, i cili projektohet në pjesën e përparme dhe anësore të qafës dhe me zbehje në të dyja anët e qafës, në nivel të përparmë të muskulit ku projektohet arteria karotide që furnizon trurin me gjak”.
Ngjarja e rëndë u shënua në 7 janar, ku fëmija u gjet përmbys nga edukatorja dhe u dërgua në spital pa shenja jete. Familjarët e të miturit kërkuan drejtësi pasi nuk besonin që ishte mbytur aksidentalisht. Kopshti privat “Flatrat e Dijes” në Fier u mbyll me urdhër të Ministrisë së Arsimit dhe Sportit.
Discussion about this post