Teksa rastet e trafikut të drogës në vend shtohen, e shumë anëtarë të kapobandave enden të lirë, ministri i Drejtësisë në një deklaratë për mediat është vënë përballë një pyetje që lidhet me ekstradimin Alket Hatias. Njëri prej personazheve më të njohur në botën e krimit, i konsideruar si “Zot i Drogës”.
I pyetur nëse a do të ekstradohet drejt Italisë, Manja theksoi se për këtë rast dhe dy të tjerat, do të trajtohen me palën italiane në një nivel tjetër. “Lidhur me rastin që citoni ne e kemi marrë këtë shqetësim nga qytetari, në portalin ‘Shqipëria që duam.al’. Është rast që ka marrë zgjidhje me vendim të formës dhe nga gjykatat në Shqipëri. Ministria e Drejtësisë në këtë proces është thjesht zbatuese e vendimeve gjyqësore. Rasti si ky dhe dy të tjera do t’i trajtojmë me palën italiane në nivel tjetër.”, tha ai.
Alket Hatia, një personazh i shumëpërfolur dhe i cilësuar si “Zoti i drogës” në Itali, është në pritje të vendimit të autoriteteve shqiptarë, nëse do të ekstradohet drejt shtetit fqinj, ndonëse e ka kryer dënimin e tij.
Discussion about this post