Dy persona kanë rënë në prangat e policisë pasi akuzohen si bashkëpunëtorë në vrasjen e të riut Albi Bashaliu mëngjesin e së hënës.
Mësohet se, janë arrestuar Veiz Bashaliu dhe Mikel Xhaja, të dy banues në fshatin Gjoçaj, Peqin pasi dyshet se kanë ndihmuar autorët e krimit. Këta persona kanë veprime aktive për të fshehur rrethanat e ngjarjes dhe kanë penguar aktivisht organet e Policisë, për t’u informuar për ngjarjen, rrethanat si ka ndodhur dhe motivin.
Gjithashtu, policia ka konfirmuar se autorët janë larguar nga vendngjarja me makinën e viktimës, të cilën më pas e kanë braktisur.
Ngjarja e rëndë ndodhi mëngjesin e së hënës ku dy persona i ngritën kurth 32-vjeçarit Albi Bashaliu duke e vrarë më plumb në kokë. Pista kryesore ku po heton policia është ajo e hakmarrjes, pasi vëllai i viktimës është në burg, i dënuar për vrasje.
Discussion about this post