Ekzekutimi i Ardian Nikulajt, autori me veshje policie

Autori i ekzekutimit të biznesmenit Ardjan Nikulaj dyshohet se ka lëvizur me një automjet tip Range Rover me targa angleze ngjyrë të zezë.

Burime bëjnë me dije se ai mbante veshur me uniformë shërbimi policie ngjyrë blu dhe jelek të verdhë fosforeshente.

Dyshohet se ai u kamuflua me uniformë policie për të mos ngritur dyshime tek viktima dhe për t’i shpëtuar efektivëve.

50-vjeçari ishte në ambientet e lokalit të tij kur u qëllua për vdekje.

Viktima njihet si biznesmen i fuqishëm në zonën e Lezhës. Ai ka mbajtur postin e drejtorit të Aluiznit në Lezhë, si edhe ka kandiduar gjithashtu për deputet në zgjedhjet parlamentare 2021 nën logon e PSD.

Gjithashtu ishte regjistruar në listat e këshillit bashkiak të Lezhës për zgjedhjet lokale të 14 majit.

Mësohet se biznesmeni ka ndërruar mbiemrin në 2003-shin nga Marku në Nikulaj.