Kreu i DPSHTRR Blendi Gonxhja ka hapur dhjetëra gara për tender të ndryshëm në këto 4 muajt e parë të këtij viti, të gjitha me vlera shumë të larta. Disa kontrata janë mbyllur, qoftë në shkelje apo manipulime Gonxhja ka firmosur lëvrimin e miliona lekëve. Por, tani po i mbeten pezull 8. 5 miliardë lekë, sepse plani për dy tenderët nuk po i ecën sikur e kishte parashikuar Gonxhja.
Për këto dy tenderë ka pasur mungesë ofertash dhe Gonxhja është detyruar t’i anulojë. Bëhet fjalë për tenderin me objekt Ndërtim i godinës së Drejtorisë së Përgjithshme të Shërbimeve të Transportit Rrugor (DPSHTRR)”, objekt multifunksional”. Më saktë do të bëhej rikonstruktim i godinës dhe për këtë Gonxhja kishte në plan të shpenzonte 7.9 miliardë lekë.
Këto para, ashtu sikur është vepruar me çdo tender tjetër të Gonxhes, do të ndaheshin mes tij dhe ndonjë biznesmeni që do të fitonte tenderin, sigurisht i ndihmuar nga kreu i DPSHTRR.
Por, me sa duket Gonxhja nuk paska rënë dakord për pazarin me ata që kanë paraqitur interes dhe kështu i ka shpallur të parregullta të gjitha ofertat. Për këtë arsye me datë 11 prill ai ka njoftuar anulimin e tenderit. Duke u justifikuar se asnjë ofertë nuk ishte e përshtatshme.
“Pasi edhe pas Rivlerësimit të bërë në zbatim të Vendimit të KPP-së nr.225/2023, me nr. 2649/12 prot, i datës 24.03.2023 nuk është dorëzuar asnjë ofertë e përshtatshme. Të gjitha ofertat janë shpallur të parregullta”, thuhet në njoftim.
Tenderi i makinave me qira
Po, në të njëjtën ditë DPSHTRR ka anuluar edhe një tjetër tender. Bëhet fjalë për prokurimin me objekt ““Marrje me qira të automjeteve”, me vlerë 71 milionë lekë.
Gonxhe e ka kthyer në një biznes këtë marrjen e makinave me qira. Pasi edhe iu siguron nga një makinë për çdo person të stafit, por edhe mbush arkën e firmës që i akordon tenderët. Në fund sigurisht dhe ai merr pjesën e tij të mirënjohjes dhe parave. Në vitin 2022 ai mori disa makina me qira, por këtë vit për çudi ka mbetu pa ofertues.
Sepse në vendimin e anulimit, DPSHTRR shkruhet se nuk ka pasur asnjë ofertë për këtë tender dhe afati i fundit ka qenë data 3 prill. Kështu në një ditë Gonxhja ka anuluar dy tenderë, që kapin vlerën 8.5 miliardë lekë. Shpresojmë që këto para të planifikuar për këto tenderë të mbeten aty dhe të investohen për rrugët dhe transportin publik, se janë një vlerë e konsiderueshme.
Lexo edhe: Gonxhja vazhdon biznesin e makinave me qira, shpenzon 70 MLN lekë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post