Pasditen e së enjtes u ekzekutuan në fshatin Sumë në Dukagjin, babë e bir, Gjokë dhe Eduart Gurra, përkatësisht 57 dhe 31 vjeç.
Fillimisht hetimet u përqëndruan në pistën se krimi i dyfishtë mund të ishte kryer nga kultivues të kanabisit, duke qenë se zona konsiderohet si një “njollë e kuqe” lidhur me bimët narkotike.
Por në orët e fundit duket se grupi hetimor ka përqëndruar vëmendjen në një tjetër pistë, atë të konflikteve që Gjokë Gurra mund të ketë pasur në të shkuarën për zonat pyjore. Prej të paktën 10 vitesh, Gurra zotëronte licencën ose lejen përtregtimin e lëndëve drusore, ndërsa më parë ka qenë pjesë e Policisë së Shtetit.
Referuar raportimeve, ka dyshime se krimi është kryer nga 1 person, që ka lëvizur në këmbë dhe pas krimit ka lëvizur në zonën e pyllëzuar për tu larguar.
Në vendin e ngjarjes janë gjetur 8 gëzhoja, ndërkohë që policia ka marrë në pyetje banorë të zonës, por ende nuk ka persona të shoqëruar.
Gjokë dhe Eduart Gurra po udhëtonin së bashku me fuoristradë drejt fshatit Sumë, për të parë banesën e tyre të djegur qëllimisht në orët e para të mëngjesit të së enjtes.
Sapo janë afruar tek banesa e tyre një person ka lëshuar breshëri kallashnikovi ndaj babë e bir duke i lënë të vdekur.
Hetuesit nuk përjashtojnë mundësinë që edhe zjarrvënia të jetë kryer nga i njëjti person që i ka ekzekutuar.
Për shkak se vendi i krimit ndodhej larg, policia ka mbërritur në vengjarje disa orë pas ekzekutimit të babë e bir, çka autori/ët kanë pasur kohë të mjaftueshme për tu larguar.
Discussion about this post