Autoritetet kolumbiane vijojnë hetimet për vrasjen e prokurorit paraguaian i cili u ekzekutua shtatë ditë më parë, gjatë muajit të mjaltit. Sipas mediave vendase, të paktën 18 persona janë arrestuar, 12 kolumbianë, dy venezuelianë, një italian, një domenikane, një holandez dhe një shqiptar. Midis tyre Diego Mauricio Blanco, pilot i dyshuar i Clan Rocha të Brazilit, i cili ka lidhje me Komandën e Parë të Kryeqytetit (PCC).
Identiteti i të arrestuarve të tjerë nuk është bërë i ditur nga autoritetet, por kanë deklaruar se të gjithë kanë një urdhër arresti për trafik droge dhe pastrim parash.
Marcelo Pecci ishte një prokuror i profilit të lartë paraguaian që luftoi kundër krimit të organizuar në vendin e tij dhe u qëllua për vdekje gjatë muajit të mjaltit në Kolumbi. Pecci ishte në një plazh në ishullin turistik Baru kur u vra nga dy persona të armatosur. Disa orë para të shtënave, gruaja e Pecci-t kishte njoftuar në Instagram se ishte shtatzënë
Discussion about this post