Në konferencën e përbashkët me kryeministrin Edi Rama, presidenti i Këshillit Evropian, Charles Michel deklaroi se Shqipëria i ka përmbushur kushtet për çeljes e negociatave në qershor duke thënë se pritet një përshpejtim i procesit për integrimin.
“Shumë ka ndryshuar që nga vizita e fundit e imja këtu në Shqipëri. Po një gjë nuk ka ndryshuar dhe ky është angazhimi ynë për integrimin e Shqipërisë në BE. Një vend aleat i vërtetë. Ju falënderoj shumë për mbështetjen dhe punën që keni bërë në arenën ndërkombëtare e veçanërisht këtë vit. Duhet t’i japim energji të reja procesit të integrimit. Ne po bëjmë përshpejtimin e integrimin. Shqipëria i ka përmbushur të gjitha kushtet për çeljen e negociatave për anëtarësim dhe bisedimet duhet të nisin sa më shpejt”, tha Michel.
Ndërsa kryeministri Rama tha se me Michel kanë diskutuar për angazhimet dhe për sfidat në raport me luftën në Ukrainë, procesin e integrimit në vigjilje të Këshillit Europian dhe për ecurinë e “Ballkanit të Hapur”.
Discussion about this post