Ekzekutimi në Kamëz, Cen Kariqi ishte në arrest shtëpie, mbante armë me vete

Can Kariqi u ekzekutua mbrëmjen e sotme, në Kodër Kamzë në automjetin e tij tip “golf” i cili ishte me targa gjermane.

Ai rezulton personazh me precedentë penale kryesisht në veprat e vjedhjes dhe mbajtjes pa leje të armeve të zjarrit. Sot duhet te ishte në arrest shtëpie, pasi Gjykata i kishte caktuar masën e arrestit në shtëpi. Në fakt Kariqi nuk ka qëndruar në ambientet e shtëpisë, por lëvizte lirshëm në Tiranë dhe lokale të ndryshme.

Eleminimi i tij,  vjen si pasojë e një seri ngjarjesh të rënda të ndodhura në Laç dhe Lezhë. Ai u ndalua në fund të muajit shkurt 2021 për mbajtje pa leje të armëve, por është liruar në rrethana të paqarta nga Gjykata. Edhe pse atij i është zbutur masa e sigurisë nga “arrest në burg” në “arrest shtëpie” dhe edhe pse akuzohej për një pistoletë pa lejë, sërish Kariqi ka vijuar të mbajë me vete armën e zjarrit për shkak se i druhej një sulmi me armë.