Autori i dyshuar i vrasjes së biznesmenit Rakip Roli në Laç, është xhaxhai i Ilir Likaj Xhepaj i arrestuar për vrasjen e biznesmenëve Paulin Gjergji dhe Bujur Lika. Gjithashtu është dhe vëllai i Myslim Likës i plagosur në Mamurras.
Ky zinxhir kriminelësh dyshohet se është bërë shkak për vrasjen e Rakip Rolit aka Pilot Rolit mëngjesin e sotëm në Laç.
Kush është Ilir Xhepaj?
Ilir Xhepaj dyshohet se organizoi atentatin duke përdorur si vrasës me pagesë Eduart Lamajn.
Deri tani të arrestuar janë Eduart Lamaj, Kreshnik Tusha dhe Ilir Xhepaj në operacionin e koduar “Ndjekja”. Ndërkohë në kërkim për vrasjet e Bujar Likës dhe Paulin Gjergjit vijojnë që të jenë Elson Aliaj dhe Klaudio Perkola.
Xhepaj dyshohet se se ka qenë pjesë e skuadrës, prej 4 personash të veshur si policë, që ekzekutuan me 20 plumba, Bujar Hasanin (Lika) dhe Paulin Gjergjin (Markaj). Nuk dihet ende nëse Ilir Xhepaj dhe viktima Bujar Hasani, kanë pasur një lidhje miqësie me njëri-tjetrin, kjo pasi të dy personat, para se të ndryshonin mbiemrin, mbanin të njëjtin (Lika).
Discussion about this post