Një shqiptar është ekzekutuar me armë zjarri në Guajakil të Ekuadorit. Viktima është identifikuar si Arjanit Rizaj, 53 vjeç.
Mediat raportojnë se atentati ndaj tij është kryer mbrëmjen e së enjtes, rreth orës 20:30.
53-vjeçari është vrarë para spitalit “Luis Vernaza”, ku kishte shoqëruar bashkëshorten e tij dhe vetë po qëndronte brenda një automjeti të parkuar.
Banorët dhe disa shitës të zonë thanë për autoritetet se në drejtim të shqiptarit është qëlluar nga një motoçikletë e bardhë, që drejtohej me dy persona, që u larguan në drejtim të paditur pasi kryen vrasjen.
Sipas informacioneve paraprake nga Policia Kombëtare, ata kanë përdorur një armë zjarri të kalibrit 9 milimetra.
Fillimisht Rizaj u dërgua në urgjencën e spitalit “Luis Vernaza”, e më pas në klinikën “Panamericana”, ku mjekët tentuan ta mbanin në jetë, por plagët e shkaktuara nga arma e zjarrit ishin të rënda duke i shkaktuar vdekjen.
Bashkëshortja e 53-vjeçarit të ndjere ka deklaruar për hetuesit se ajo e pa skenën nga shumë pranë.
Ajo u tha oficerëve se nuk e dinte motivin e sulmit ndaj bashkëshortit. Sipas saj, Rizaj nuk punonte pasi nuk kishte dokumente të vlefshme në Ekuador, prandaj mbijetonte me paratë që i dërgonte nga Shqipëria familja e tij, ose vëllai i tij që banonte në Kanada.
Ekzekutimi i 53-vjeçarit ka ndodhur në të njëjtën ditë kur Dritan Rexhepi u arrestua në Turqi. Lajmi për kapjen e tij u përhap më 10 nëntor. Subjekti njihet në Shqipëri si ‘Chapo Guzmán’ shqiptar, për shkak të arratisjeve që ka kryer.
Rexhepi kërkohet nga vendi i tij dhe nga Italia. Përveç kësaj, ai u largua nga Ekuadori, ku duhej të paraqitej periodikisht si pjesë e masave të para-lirimit për një dënim për trafik droge, në të cilin kreu shtatë nga tre vitet e dënimit.
#Guayaquil
Un caso de sicariato ocurrió cerca del sector de emergencia del hospital Luis Vernaza pic.twitter.com/IfrkaCn2m4— Minuto & Medio (@MinMedio) November 10, 2023
Discussion about this post