Biznesmeni me dy emra Rakip Roli aka Pilot Roli 55- vjeç u ekzekutua në orët e para të mëngjesit në Sanxhak të Laçit. Gijotina.com raporton se dy autorë i kanë zënë pritë më këmbë teksa viktima ka qenë duke udhëtuar me automjetin e tij.
Ata kanë qëlluar me breshëri automatiku nga krahu i pasagjerit, ku 7 plumba shkaktuan vdekjen e menjëhershme të biznesmenit. Fillimisht makina e viktimës tip “Audi Q7” është përplasur me një automjet tjetër e më pas ka përfunduar në kanal.
Policia ka shkuar menjëherë në vendngjarje ndërsa janë ngritur pika kontrolli për të bërë të mundur kapjen e autorit. Në ndihmë të policisë janë nisur edhe dy grupe të FNSH-së ndërsa mendohet se në atentat kanë marrë pjesë dy persona, ende të paidentifikuar.
E shkuara e Rakip Rolit
Policia po heton për të shkuarën e 55- vjeçarit i cili rezulton me precedentë penale. Dhjetë vite më parë përkatësisht në vitin 2011 Roli është arrestuar, pasi është përfshirë në një konflikt me një 22- vjeçar duke e plagosur. Sakaq edhe dy djemtë e tij Emiljano dhe Isuf Roli janë hetuar për trafik droge në 2017. Biznesmeni që u ekzekutua mëngjesin e sotëm në Laç njihej edhe si “Piloti”. Burime pranë gijotina.com bëjnë me dije se viktima merrej me tregëti, materialesh ndërtimi.
Lidhja e tij me emrat e krimit
Autori i dyshuar i vrasjes së biznesmenit Rakip Roli në Laç, është xhaxhai i Ilir Likaj Xhepaj i arrestuar për vrasjen e biznesmenëve Paulin Gjergji dhe Bujur Lika. Gjithashtu është dhe vëllai i Myslim Likës i plagosur në Mamurras.
Ilir Xhepaj dyshohet se organizoi atentatin duke përdorur si vrasës me pagesë Eduart Lamajn. Ai dyshohet se se ka qenë pjesë e skuadrës, prej 4 personash të veshur si policë, që ekzekutuan me 20 plumba, Bujar Hasanin (Lika) dhe Paulin Gjergjin (Markaj). Nuk dihet ende nëse Ilir Xhepaj dhe viktima Bujar Hasani, kanë pasur një lidhje miqësie me njëri-tjetrin, kjo pasi të dy personat, para se të ndryshonin mbiemrin, mbanin të njëjtin (Lika).
Pista e hetimit
Pista kryesore e hetimit për vrasjen biznesmenit Rakip Roli aka Pilot Roli mëngjesin e sotëm në Laç, janë konfliktet e djemve pak ditë para se të ndodhte vrasja. Konflikti dyshohet se lidhet me çështjet e pronësisë. Po ashtu dyshohet se lidhja e viktimës me emrat e njohur të krimit si Ilir Xhepaj “tmerri” i Mamurrasit dhe i akuzuar për vrasje, mund të jetë shkak i atentatit të sotëm.
Discussion about this post