El Clasico ngjyroset e bardhë, Real Madrid në finale të Euroligës

Ka përfunduar gjysmëfinalja e dytë e Euroligës së Basketbollit mes Realit të Madridit dhe Barcelonës.

“Los Blancos” kanë triumfuar me rezultatin 78-66 ndaj rivalëve të tyre të përjetshëm, në ndeshjen e zhvilluar në arenën sportive të Kaunas, Lituani.

Dueli nisi i ekuilibruar mes dy ekipeve spanjolle, aq sa çereku i parë përfundoi 18-18.

Në çerekun e dytë, katalanasit triumfuan me rezultatin e ngushtë 24-18.

Pas rikthimit në parket, për çerekun e tretë të lojës, Reali i Madridit, zbriti më i motivuar për të fituar ndeshjen. Perioda e tretë, përfundoi me epërsinë e kryeqytetasve (22-13).

Në çerekun e fundit, Barcelona e vuajti lodhjen fizike, jashtë mase. “Los Blancos”, nuk u menduan dy herë për ta vënë kundërshtarin “për fundi”, duke triumfuar 20-11.

Në total, 78-66, me mbretërorët që tashmë do të përballen, më 21 maj, me Olympiacos të Pireut, për titullin e Euroligës. Barça, nga ana e saj, do të ndeshet me Monaco, për vendin e tretë dhe të katërt./m.b /gijotina.com