Elbasan/ Shpërndanin drogë, mes të arrestuarve edhe një polic

Një operacion anti-drogë është shtrirë në disa qytete të vendit, përfshirë edhe Elbasanin.

Në megaopracionin e ndërmarrë dje dhe sot nga Policia, është dhe një efektiv.

Efektivi i policisë Saimir Hysa është arrestuar ditën e sotme në Elbasan, në kuadër të megaoperacionit anti-drogë në vend.

Raportohet se sipas Policisë së Elbasanit, hetimi ka nisur muaj më parë.

Policia hetoi lidhjet e personave të arrestuar më herët për shpërndarje dhe zbuloi anëtarët e tjerë. Personat e përfshirë në këtë rrjet, shpërndanin kanabis, kokainë dhe heroinë.

Të arrestuar janë 9 persona dhe 5 të tjerë janë shpallur në kërkim.