Komisioni i Organizimit dhe Kontrollit të Operacioneve Elektorale në Partinë Demokratike ka mbajtur sot mbledhjen e radhës në prezencë të përfaqësuesve të dy kandidatëve për kryetar, Sali Berisha dhe Ibsen Elezi.
Në mbledhje u shqyrtua kërkesa e Elezit për të shtyrë zgjedhjet e 22 majit të paktën me dy javë, por pas diskutimeve kjo kërkesë u hodh poshtë.
Nga ana tjetër, përfaqësuesit e kandidatëve u njohën me Rregulloren e Brendshme mbi Modalitetet e Procesit Zgjedhor për Kryetar të PD, që do përbëjë dhe dokumentin bazë të Komisionit të Organizimit dhe Kontrollit të Operacioneve Elektorale, degëve të Partisë Demokratike si dhe kandidatëve për Kryetar PD.
Komisioni fton të gjithë anëtarët e Partisë Demokratike të bëhen pjesë e fushatës për zgjedhjen e Kryetarit të PD që do të finalizohet në votimin në dt 22 maj 2022.
Discussion about this post