Elita Rudi feston sot 28 vite jetë dhe këtë ditë të veçantë ka zgjedhur ta festojë bashkë me familjen e saj larg Shqipërisë. Së bashku me Gjikon dhe dy fëmijët e tyre, Zërin dhe Botën, modertaorja ka udhëtuar së fundmi drejt Turqisë. Gjatë ditës së sotme ata kanë udhëtuar me jaht nëpër Stamboll dhe këtë moment e kanë shijuar shumë.
Gjithashtu Gjiko e ka surprizuar Elitën me një tortë shumë të veçantë. Reperi ka postuar në Instagram një video, në të cilën shihet me një tortë në dorë që moderatores i ka pëlqyer shumë. Në tortë duket Elita së bashku me dy të vegjlit e saj dhe me një girë palestre në dorë.
“Gëzuar ditëlindjen grua e fortë”, shkruhet tek torta.
Gjithashtu Gjiko i ka bërë një urim shumë të ëmbël bashkëshortes së tij në Instagram.
“Urime ditëlindja gruja jem! Ti ma bone jetën e ombël, mi dhurove dy engjëj, ti sakrifikove çdo gjë për ne. Ti na bone prioritet ne jetën tënde. E gjithë çfarë dua të bëj është që të plakem bashkë me ty”, shkruan Gjiko.
Kujtojmë se pak ditë më parë, Elita zbuloi se kishte pasur disa probleme shëndetësore dhe se ishte detyruar të shkonte në spital. Por fatmirësisht ajo e ka kaluar këtë moment të vështirë dhe ne i urojmë moderatores jetë të gjatë e plot shëndet përkrah familjes së saj.
