“Neuralink”, një nga kompanitë e Elon Musk, njoftoi të enjten përmes Twitter se ka marrë leje nga autoritetet shëndetësore të SHBA për të testuar implantet e ndërlidhura të trurit te njerëzit.
“Ky është një hap i rëndësishëm që një ditë do të lejojë teknologjinë tonë të ndihmojë shumë njerëz”,- tha kompania fillestare kaliforniane, duke nxituar të sqarojë se rekrutimi i vullnetarëve për provat klinike që do të kryejë nuk është bërë ende.”
“Neuralink” është duke projektuar një ndërfaqe që do të implantohet në trurin e njeriut për të mundësuar komunikimin me kompjuterit përmes mendimit.
Pritet mbi të gjitha të ndihmojë të paralizuarit, apo ata që vuajnë nga sëmundje neurologjike.
“Neuralink” më pas dëshiron t’i bëjë pajisjet mjaftueshëm të sigurta dhe të besueshme për t’u implantuar te njerëzit që dëshirojnë të shpenzojnë mijëra dollarë për ta bërë trurin e tyre më të fuqishëm.
Për zotin Musk, i cili themeloi Neuralink në 2016, çipi i implantuar te njerëzit mund të lejojë njerëzimin të arrijë “bashkëjetesën me inteligjencën artificiale “, siç e tha ai në 2020, në një event të kompanisë.
Miliarderi ka frikë se inteligjenca artificiale (AI) do t’i kalojë njerëzit, dhe do të marrë kontrollin një ditë.
Në mars, zoti Musk themeloi X.AI, një tjetër startup i AI, që ka të ngjarë të konkurrojë me OpenAI, kompaninë pas ChatGPT, softuer që mund të ndërveprojë me njerëzit dhe të prodhojë të gjitha llojet e teksteve kur t’u kërkohet.
“Tani jemi të sigurt se pajisja e Neuralink është gati për njerëzit, kështu që afati kohor varet nga procesi i miratimit të FDA,”- tha agjencia amerikane e barnave përmes Twitter në fund të nëntorit, një muaj pasi bleu faqen e rrjeteve sociale.
FDA nuk u përgjigj menjëherë, kurse AFP kërkoi koment.
Discussion about this post