Çudirat në Shqipëri me institucionet shqiptare nuk kanë fund. Bashkia e Shijakut e cila njihet për tenderët e absurd që bën, nuk ka zhgënjyer edhe kësaj radhe. Duke qenë se para disa javësh ishte një nga bashkitë që u prek nga Gripi i Pulave, groposja e tyre ishte detyrë e saj që t’u gjente një vend. Dhe siç duket, institucioni që drejtohet nga Elton Arbana i ka rënë shkurt.
Në datën 8 prill 2022, Bashkia Shijak ka hapur një tender me qëllim transportimin, dezinfektimin, groposjen dhe eliminimin e pulave të ngordhura nga gripi. Tenderi mban numrin e rerferencës, REF-24501-04-08-2022 dhe ka fondin limit prej 1.000.000 lekë të reja, ose rreth 10 milionë lekë të vjetëra. Por sa e çuditshme aq edhe tragjike është kompania që ka fituar këtë tender. Sipas procedurës, kompania fituese është “HOREAL Expo Group”.
Por kjo kompani rezulton që aktivitetin e saj e ka në fushën e agro-turizmit, restoranteve dhe bujtinave. Ushtrim aktiviteti shërbim dhe akomodimve, shërbime si bare, restorante, snak bar, hoteleri dhe katering. Pra, kompania që menaxhon restorante, do të bëjë asgjësimin e pulave të ngordhura nga gripi. Për këdo që do ta dëgjonte, nuk do të tingëllonte aspak mirë. Kjo pasi në këtë Shqipërinë tonë të çuditshme, jo pak herë na ka rastisur që të dëgjojmë që shpendët apo kafshët e ngordhura shkojnë si mish pa lekë për restorantet.
Dhe Elton Arbana i Bashkisë Shijak, këto fjalë na i vërtetoi me një tender 10 milionë lekësh, që pulat e ngordhura për t’i groposur ia jep një kompanie që menaxhon restorante! Nuk na mbetet gjë tjetër për të thënë, veçse Zoti na ruajt!
X.S/ Gijotina.com
Discussion about this post