Elton John ka zbuluar mesazhin që dëshiron të jetë i gdhendur në gurin e varrit të tij.
Teksa u nderua nga TIME si “Ikona e Vitit”, këngëtari legjendar 77-vjeçar iu referua atësisë, duke theksuar se ky rol është më i rëndësishmi në jetën e tij.
Çfarë dëshiron të shkruajë varri i tij?
“Në gurin tim të varrit, gjithçka që dua të shkruhet është: “Ai ishte një baba i mrekullueshëm”, tha ylli gjatë eventit në Nju Jork. Më tej, këngëtari, kompozitori dhe muzikanti u shfaq në “Good Morning America” dhe foli për të njëjtat ndjenja për fëmijët e tij në një bisedë me Robin Roberts. Artisti ka dy fëmijë, Zachary 13-vjeçar dhe Elijah 11-vjeçar me bashkëshortin e tij producent filmash David Furnish.
“Trashëgimia ime është se kam qenë një bashkëshort i madh dhe një baba akoma më i mirë… Muzika, karriera është fantastike. Ishte tronditëse. Por gjëja më e rëndësishme për mua në jetën time është të sigurohem që fëmijët e mi të jenë të lumtur, që ata të kenë një jetë të mrekullueshme dhe se unë kam qenë i mirë me ta. Kjo është e gjitha që ka rëndësi”, tha ai.
Discussion about this post