Email-et e nxjerrin zbuluar Ramën, u premtonte paga të rinjve në këmbim të mbështetjes

Në emailet e publikuara të Edi Ramës vijojnë të dalin shumë të palara. Ndër to edhe ankesat nga të tijët. Një djalë me emrin Elisard Kërxhalliu, i kujton kryeministrit mbështetjen që i ka dhënë gjatë kohës kur ky i fundit kandidonte për kryetar i PS.

I përmend çdo gjë që ka bërë së bashku me një grup të rinjsh që ishin zotuar në besnikërinë e tyre ndaj kryetarit të ardhshëm. Duket se kryeministri në këmbim të mbështetjes i kishte premtuar këtij të riu punë dhe paga të majme, të cilat edhe pse kanë kaluar 7 vite, nuk i ka marrë.

Më poshtë gjeni email-in e plotë:

Për Borën,

Në 2005 u anëtarësua Edi Rama, te Organizata Socialiste 1713, (pas tentativës parë, që nuk u bë dot, Kryetarë i PS), kishte Kandidimin e dytë për Kryetar të PS (ishte më i planifikuar, organizuar) dhe do të zhvillohej emisioni “Shqip” në TOP Chanel me Rudina Xhungën dhe studio e dytë për emisionin te zyra e Kryetarit PS Tiranë (Kryetar ishte Musa Ulqini dhe Eva Allushi Sekretare Organizative për PS Tiranë), nuk kishte shkuar asnjë nga anëtarët e OS 1713, vetëm Kryetari OS, Shkëlqim Dervishi dhe ishin njoftuar dhe kishin shkuar me pastaj edhe Kryetari i Këshillit zonal nr.2 Tiranë Azis Tahiri dhe Sekretaria e Këshillit Mini Bashkisë nr.2 Tiranë, Naria (Revolucionare Qezari). Do të dështonte emisioni … dhe unë isha Kryetar i OS 1730 dhe ishim për kafe me shoqërinë (djem dhe vajza) më njoftojnë dhe ngrihemi nga kafeja dhe shkojmë e bëjmë Studion e dytë për emisionin “Shqip” me kandidatin tonë, të “OS 1713”!

Më pas u bë Asambleja e Përgjithshme dhe u zgjodh Edi Rama Kryetar i PS.

Kërkoi ta na takonte/falenderonte të gjithëve, djem dhe vajzave që morëm përsipër ta mbështesnim të parët, në studion e dytë të emisionit “Shqip” kur po dilte, si fitues nga salla dhe ….

tani kam mbi 7 vjet që nuk kam emërimin dhe pagat sipas ligjit dhe keni dy kërkesa drejtuar Kryeministrisë “Kërkesën nr.5” dt.14.05.2021 dhe “Kërkesën nr.6” dt.21.07.2021 të dorëzuara nga Posta.

Ne jemi rritur në PS … nuk jemi “dallëndyshe” të ardhuara me “pranverën”

Me Respekt,

Elisard Kërxhaliu