Dashuria mes Bledi Çuçit me kryeministrin Rama ka nisur krisjen. Shkak është bërë emërimi i Besmir Qibinit në krye të policisë rrugore të Tiranës, një post kyç për Policinë e Shtetit. Ky emërim ka tërbuar Ramën me ministrin e tij të besuar, i cili i ka kërkuar llogari për rehabilimitin që po i bën të shkarkuarit.
Por pavarësisht kritikave, i besuari i ministrit Çuçi, numri 1 i Policisë së Shtetit, Gledis Nano, është parë duke pirë uiski me vartësin e tij Besmir Qibini në një lokal të njohur VIP në kryeqytet, vetëm pak orë pas “tërbimit” të kreut të qeverisë.
Kjo lidhje tërheq vëmendjen sepse ka ‘background’ të shkuarën e dyshimtë të Qibinit. Pasi e ka rregulluar shokun e tij me një detyrë të re, kanë festuar këtë rast me pak alkool.
A e di Rama se Qibini u kthye në detyrë? Nëse i referohemi fakteve, kryeministri nuk e ka në listën e tij këtë kuadër. Ndërsa ministri i Brendshëm, Bledi Çuçi dhe Drejtori i Përgjithshëm i Policisë së Shtetit, Gledis Nano kanë mirëkuptim dhe po sistemojnë disa oficerë të lartë me të shkuar abuzive në detyrë.
Në këtë mënyrë po shpërfillet kryeministri Rama për emërimet në krye të komisariateve, të cilat janë në dorë të ministrit. Duket si e pamundur, por dyshja e fuqishme e Ministrisë së Brendshme po e anashkalon Ramën. Bledi Çuçi po instalon me shpejtësi njerëzit me të shkuar problematike.
Kështu, lëvizjet e shumta në polici që prekën edhe qarkullimin rrugor në Tiranë: larguan Erion Ahmetin, nga shef i qarkullimit rrugor Tiranë dhe nxorën në dritë Besmir Qibinin. Ai rikthehet pasi e ka mbajtur këtë post më herët në vitin 2014-2015.
Besmir Qibini është akuzuar se i kishte dhënë pistoletën e tij Elton Çiços, i cili u vra në një lokal tek ish-Blloku në Tiranë. Pas vrasjes së Çiços në lokal, pistoleta e tij u fsheh nga oficeri i policisë, Alban Trimi, i cili ndodhej në tavolinë me Çiçon. Kjo skenë është zbuluar nga pamjet filmike të kamerave të sekuestruara nga Prokuroria.
Vetëm pak muaj para zgjedhjeve, kryeministri Rama e largoi nga detyra zv/drejtorin e Përgjithshëm të Doganave, Besmir Qibinin. Ai është pushuar nga kjo detyrë dhe është emëruar sërish në një tjetër post. Kështu, pas largimit nga doganat, Qibini është emëruar menjëherë drejtor i Kufirit në Policinë e Qarkut të Vlorës.
Emërimi i Qibinit si numri 2 i doganave u kundërshtua nga opozita, e cila e etiketoi si një nga segmentët e Shullazit, me lidhje të forta me këtë klan kriminal në aksin Tiranë-Durrës. “Besmir Qibini, i larguar nga Komisariati i Kavajës për shkelje të rënda dhe për dyshime të forta si i përfshirë në trafikun e drogës/tashmë ka në dorë jo vetëm kontrabandën/ por edhe anti-kontrabandën dhe hetimin doganor. Shkurt, krimi ka çdo lehtësi për aktivitetet e veta të paligjshme, për trafikun e drogës dhe të armëve”, thuhej në reagimin e PD pas emërimit të Qibinit zv/drejtor i Doganave. Gjithsesi, në administratë funksionon parimi që akuzat e opozitës të ngrenë në karrierë.
Mbetet të shohim në ditët në vijim, nëse dyshja Çuçi-Nano po e rehabilitojnë klanin e vjetër pa aprovimin e Ramës apo ky do i lejojë në heshtje.
Discussion about this post